اصبر إزاى
اصبر إزاى
والوجع جى
م الحبيب اللى
سلمته أمرى
وقلت له:الوجع
صاب العمود الفقرى
ولما تولى أمرى
زود الحموله على ضهرى
ومن كتر الوجع
انكسر ضهرى
ومش قادر أقول آه
أروح لمين أشتكى
م اللى أهملنى
وساب الحيتان
ينهشوا ف لحمى
والقطط السمان
ينحتوا ف عضمى
سلبونى قوتى
ومصوا دمى
اللحمه نسيناها
والهدمه قلعناها
وبحمد ربنا اللى
سترنى وستر عيالى
وما هنى
برفع إيدى للسما
وادعو ربى
ينصفنى
م اللى ظلمنى
بقلم:محمد حجاج
ليست هناك تعليقات:
إرسال تعليق