‏هو إنتي لسه فاكره $$ للشاعر المبدع أ / فرج البراهمي

 

‏هو إنتي لسه فاكره
إن قلبي زي زمان
ممكن يحب...
أو حتي ينسي ال كان.

قلبي صحيح عوده أخضر
يطرح شوق ع الأغصان
بكلمه منك أو ابتسامه
كان ممكن يكون
في حضن قلبك
زي ورده في البستان

بس ياخساره انتي بعتي
وضاع معاكي كل الأمان
حولتي قلبي من دقه هاديه
لدقه صوتها حجر صوان

من قلب طفل برئ بيعشق
لارض بور جوه الغيطان
لا فيها خضره
ولا عود ريحان ..

وكل ده من قسوه فيكي
طرحتي شوكي مابين اديكي
ولسه فاكره اني ليكي
مابقاش يفيد .. مابقاش يفيد .
ارجع لحضنك زاي زمان‏