(حبة فضفضه) ،،، للشاعر المبدع أ / فرج البراهمي‏

 

" (حبة فضفضه)
......................
صدقيني كان بجد نفسي أشوفك
وإرسمك صورة بخيالي واحضنك

لما عيني تلمح عنيكي من بعيد
وابتسامة من شفايفك أكون سعيد

البحر والشط والموج كلموني
جم حكولي عنك ويلموني

قالو كنتي زي القمر زاد جنوني
ازاي القدر يكون حاجز بيني وبينك

كل الوشوش من ضي عينك منورة
كان نفسي اشوف سحر جمالك

بس حالي هو حالك ساعة اللقاء
ضي القمر كان غير مكتمل
من غيرك إنتي في الفضاء

كلامي ليكي مش عتاب ولا بعاد
بس خارج من جوه قلبي
علي هيئة فضفضه