إنتى مين ... بقلم محمد عطية
كنت فاكرك شئ جميل
وإن بعدك مستحيل
وإن لما كنتى جنبى
كنتى قلبى
شئ خيالى ملوش مثيل
ويا ميت خسارة
ع اللى طبعه مش أصيل
اللى واطى
واللى خاين
واللى ناكر للجميل
والدليل
الجدايل والرسايل
واللى دمعه مش ذليل
واللى مهما يبات هيحلف
مهما يحلف .. حلاف مهين
إنتى مين
إنتى الخيانة والمهانة
والعيون الغدارين
إنتى اللى كل الناس
شايفاك ملاك
وإنتى الهلاك
وبأساك .. مجروح حزين
إنتى الخداع اللى اترسم
وإنتى اللى بارعة فى الألم
وبإيديك قلبى إتظلم .. طول السنين
إنتى مين
إنتى الحنين
إنتى الحنين اللى إتمحى
من مدة وعدى وفات
إنتى اللى جاية تجرحينى
وتفكرينى بالحب اللى مات
إنتى اللى ساكنة فى الأنين
وعلى جرحنا بتغنى
بالناى الحزين
إنتى اللى جاية تفكرينى
إنتى مين
ليست هناك تعليقات:
إرسال تعليق