مستنى رنته $$ للشاعر المتألق أ / أشرف سعد

مستنى رنته
وحشتنى طلته
وعيونه وبسمته
وشفايفه وضحكته
وحنانه ورقته
وبهائه وزهوته
مستنى رنته
هيحن عليه أمته
ويبعت رنته
أيام وليالى تعدى
مستنى طلعته
لو مت يا ناس قولوا له
ليه شكوى فى زمته
أشكيه لربى وأقول
يطول سهرته
بقى ده يارب جزاتى
دا أنا بعشق لمحته
مستنى رنته
كتير يا ناس عليه
أسمع نبرته
وأسمع كلمة وحشنى
وأسمع أنت
ودموعه تنزل على خده
من نن مقلته
ويقول وحشنى كلامه
وحشتنى حدته
وحشنى ضحكه واسمه
وحشتنى رسمته
الله عليكى حبيبتى
أخجلتى وجهى بوصفك
وزادت حمرته
وزاد إشتياقى لك
وزادت لهفته
هقول يارب حبيبي
ما تطول غربته
يارب قرب بيننا
وتقبل دعوته
دا البعد عنه نار
لقلبى حرقته
والقرب منه جنه
فيها زادت بهجته
مستنى رنته

تقبلوا تحياتى .. أشرف سعد