( خدي عيني صمميها) (@@@)
خدي عيني صمميها
وارسميها ولونيها ...
نوريها من عيونك
وبرموشك خططيها ...
وفي جفونك بروزيها
وبخدودك إلمسيها ...
وعلى شعرك هفهفيها
وفى حنانك إغمسيها ...
وبإيديك طبطبيها
جوه قلبك إحفظيها ...
هي عيني ولا عينيك
اكيد عينيك جمليها ...
جمليها من جمالك
دا السعد حل عليها ...
وفى جناينك فسحيها
من زهورك عطريها ...
بين موجك ويا شطك
إرحميها وأغرقيها ...
خدي عيني هات عينيك
أنت عايشه والقلب فيها ...
أشرف سعد
ليست هناك تعليقات:
إرسال تعليق