.........(رجع الغرام)...........
رجعت تاني بالغرام
لسنين وعديتني
أسمع جميل الكلام
وأندم على عمر يوم فاتني
وأتمنى يرجع زماني
لحبيبة حبتني
خطفتني من غير كلام
وفي العيون خبتني
وقالت لي في القلب نام
وبالحنان غطتني
بنظرة فيها إبتسام
بين الشفايف خدتني
لبحار وقالت غرام
بحارة صادتني
ياسنين وعدت وجع
وجع السنين سابني
لحاضر وفيه الدلع
لجميلة خلتني
بلت شفايفي إبتسامة
بالحب حكمتني
وسعادة كانت علامة
بالفرحة مانستني
صاحي في عز المنامة
ولا مرة عاندتني
ياحب ليك السلامة
ويادنيا راوضتني
ماخلاص لقيت اليمامة
حبيتها وحبيتني
وياحزن ملعون زمانة
ياريت بقى تفوتني
.........(شعر)..........
عبد الله السايح
ليست هناك تعليقات:
إرسال تعليق