إحلم
بقلم : محمود شعراوي
إحلم ..
خلي حلمك يبتدي بحبة بذور
إسقيها حب وخير ونور
إثبت وصمم
تلقي حلمك جنب منك لوه جذور
حبه حبه
تشوفه شجره مفرعه ومرعرعه
بتعدي من فوق أعلي سور
والبدايه بتبقي حلم بس نحلم
إحلم
المجد إيه
غير فكره كانت يوم ف بال
تستنه ليه
وإيه من الأحلام محال
ده الخير ما زال
موجود مغطيه التراب
إفتحله باب
ينفتحلك م الأماني ألف باب
حلق ورفرف ف الفضا
زي الطيور
وابدأ وصمم
يبقي حلمك جزء منك
كل خطوه وليها دور
والبدايه بتبقي حلم
بس تحلم
إحلم
ليست هناك تعليقات:
إرسال تعليق