من قصيدة
من الشبه أربعين
انت مين
انت وانا واحد
ولا انا وانت اتنين
ولو انت أنا
أمال أنا فين
صورتي
هي صورتك في المرايا
إيه اللي جمعك معايا
واللي جابك ليا مين
صوتي هو صوتك
اسمك نفس اسمي
والعنين
نفس العنين
هو انا عندك رهينة
ولا انت جوايا سجين
انت كلي
ولا نصي
كل شيء جواك
باصص لي
كل شيء حواليك
حزين
شايفك في الصورة مطفي
انت ضدي
انت عكسي
أنفاسك جوه صدري
مخنوقين
مش حاسس نفسي فيك
ولا لاقي حاجه مني
كل نظرة من عينيك
فيها شيء قاتلني
والأماني جوه قلبك
مقتولين
وجودي فيك تاعبني
ووجودك فيا أنين
انت واحد تاني غيري
انت أكبر مني بسنين
انت بس شبهي في الملامح
ويخلق من الشبه أربعين
كلمات :
أسامة رفعت
ليست هناك تعليقات:
إرسال تعليق