( مجنونه بيك )
اديك عرفت
ان انت قلبى وكل حاجه
من نظره بس
فهمت عينى ودى شهاده
قلبى بينبض
باسمك انت يا حبيبى
عاشق هواك
يا املى انت يا نصيبى
قرب تعال
مد ايدك المس ايديا
والله استحاله
ابعد واسيبك دا انت اللى ليا
هقولها تانى
باعلى صوت انت حبيبى
ومهما كان
لو فيها موت انت نصيبى
ياعمرى انت يا عشقى انت
اديك عرفت ان
انت قلبى وكل حاجه
.......... .......... .........
خلاص يا قلبى
هتكمل بكره فرحتك
هتبقى نصيبك
والله وتلبس شبكتك
هى حياتك واملك انت ف دنيتك
ياقلبى مالك
طب ياقلبى ايه اللى فيها
علشان بعيد
ما انت الحبيب وبرضو ليها
افرح يا قلبي
وغنى يالله وقول كلامك
هيا الحياه
كل الحياه هيا غرامك
بكره ياقلبى
تشوفها والله وتمسك أيدها
واياك ياقلبى
تنسى الكلام قدام عينيها
............
انا كنت ناسى الفرح والله
وفرحت بيها
لما الكلام يقلب غرام
دى ايه اللى فيها
اهى سامعه صوتك
حتى ف سكوتك فاهمه عينك
بتقول بحبك واتمنى قربك
و المس ايدك
واه ياعمرى يا حب عمري
خايف عليك
لما تغيب عنى وتغيب
بشتاق اليك
............. ...........
ولما اشوفك ف الصور
عايزاك تخدنى
من كتر شوقى ولهفتى
اخدك ف حضنى
قرب تعال حسى بيا
يا حبيبى
عاشقه هواك يا املى
انت يا نصيبى
طال البعاد طال الغياب
ومجنونه بيك
بسهر لليالى طال انشغالى
مشتاقه ليك
.......... ........
بقلم الشاعر/
عبدالفتاح عزت
ليست هناك تعليقات:
إرسال تعليق