.......(الحب عطاء).........
الحب للي يفهمه
وفي قلبه لازم يرسمه
طريق عطاء ومافهش هات
تلقى القلوب بتقسمه
من غير نداء صبح ومساء
تلقى الحنان بيترجمه
وان كان فيه داء محتاج رثاء
فيه الدواء راح يدعمه
حتى البكاء بعد الخناق
فيه السماح للحب ديمايحسمه
الحب بير فيه العبير
للي بيعرف ينزله
حتى الحبيب لو كان يغير
للحب نقطة بتلزمه
للإحترام قبل الكلام
يحفظ حبيبه في منزله
أصل الغرام حلو المرام
لما القلوب تتهز له
مين يعطي مين مين فيه أمين
حقيقي مش بيمثله
قلبين حنين لو جوه مين
عاشقين وعرش إتهز له
رسمين حياة ومافيها آه
ولا قطع ممكن توصله
الحب جاه في عز صباه
للي بيفهم ينصره
بنعيش حياة من مبتداه
ع الحب نبحث مفصله
وياسعده ياه للي لقاه
وقدر بصدق يوصله
وياهمه ياه في طريقه تاه
هيموت عشان يوم يخسره
يعني الحياة بالحب ياه
من غير حبيب بتكسره
أصل العطاء كله وفاء
فرحان وحبك تمطره
لو كان رياء أو فيه دهاء
تلقى حبيبك يعصره
.........(شعر)......
عبد الله السايح
ليست هناك تعليقات:
إرسال تعليق