بحر الضمير
محمد ضباشه
خلص الكلام وانتهى
والصبر طارحُه سكوت
والجرح من كتر الألم
بيكتب كتاب الموت
ويطرح سؤال للأبد
الصح ليه مغلوط ؟
وبحر الضمير عاجز
ينور للي تحت يفوت
ويهربوا من زمن الجشع
يمكن يلاقوا القوت
سؤال تملى أنا بسأله
وجوابه مش عندي
ولو بالرؤية والفلسفة
روحوا أسألوا غاندي
ولو اللسان أتعوج
وضميرنا بقى هندي
لكانت الإجابة (العدالة)
ليه يا بلدى بتعاندي ؟
صدقوني لو فيه إرادة
لتبقى الحلول من دى
ليست هناك تعليقات:
إرسال تعليق