شباب كتيره ضاعت ياخال
لما ...ضاق بيا الحال قلت اشد الرحال اسافر اجيب قرشين للعيال
جهزت ....هدومي ونويت الترحال قلت انسي همومي وذل السؤال
اتاري ..الحظ كان معاند يا خال وغرقت المركب بينا واتحطمت الامال
في.... وسط الميه شوفت الاهوال ام يتنده اولادها حسين و جلال
مين ......شاف عيالي ياولاد الحلال محدش عارف فين راحت الغوال
صرخت.... الام بصوت يهز جبال لطمت علي وشها الدمع منها سال
اقعدت... اصبرها وغطيت راسها بشال وقلت استني فرق الانتشال
عديت ...علينا ساعات طوال لحد مالجثث تاهت وغاصت في الرمال
سرحت وقتها وسافرت لدنيا الخيال وحلمت اني رجعت بكام شوال
الفلوس... كتيره وارتاح البال بس ده كان حلم وصعب تحقيق المنال
قلت لو كنت لقيت هنا عيش بالحلال كان ليه السفر وسط الاهوال
شباب. كتيره ضاعت ببلدنا ياخال وبيوت اتخربت بسبب وقف الحال
الشاعر مدحت فضل
ليست هناك تعليقات:
إرسال تعليق