ساحرة الشرق $$ للشاعر / عبـد الفتــــاح عزت

(ساحرة الشرق )

لساها عايقه بترحتها ..

وانا العاشق انا الموعود ..

نسايم فرح ضحكتها ..

وسحر اللحن في العود ..

شمسايه طالعه طلتها ..

وإن مال النخل مفرود ..

ضفاير ورد طرحتها ..

عسل والنحل بيجود ..

يتوه السحر نظرتها ..

تبوح بالشعر في ردود ..

رسايل حب كلمتها ..

وأه من القد والعود ..

غزاله ناعمه خطوتها ..

تقسم لحن مورود ..

سواد الليل ف كحلتها ..

واروح من نظره مشدود ..

وأكدب لو قولت حبتها ..

وانا بالعشق معقود ..

أصيله روحي عشقتها ..

والخلق يقولوا محسود ..

أنا المسحور ف سكتها ..

ايوه السحر دا موجود ..

مكتوبلي السحر ف عيونها ..

وانا لسه طفل مولود ..

وأنا الفارس لقصتها ..

وانا الراهب المقصود .

بقلم الشاعر /

عبـــــــــد الفتـــــــــــاح عزت