بلادي هيا ......ضلاية
بلادي احلى شمسية
تصحى الصبح من بدري
وليلها من سواد شعري
وتملى الكون ملاغية
في عز الليل سهرانة
بتغسل شعرها ع النيل
تلاغي النسمة بالنية
تنور ف الظلام بالضي
مفيش والله ف مثيلها زي
بكون شقيان على شانها
وبلقى أماني في أمانها
بلادي ساكنة ف عينيا
تلاغيني في أحلامي
فيها التفسير لكلامي
بلادي ليا بنية
بكون فيها حمام زاجل
ساعات ببكي ف أحضانها
وبنسى إن انا راجل
نسيمها يكون مدادية
وبرفع راسي ف سماها
وبسهر ليلي وياها
منايا أصله في مناها
ولا نعرف يوم معادية
إبراهيم بدر عبدالله
ليست هناك تعليقات:
إرسال تعليق