حكاية امي
ااااااااااا
زي نسمة صيف طرية
كنتي عايشة وحاسة بيه
كنتي املي وكنتي عمري
كنتي احلى حاجة ليه
واما اجيب صورتك واشوفها
الدموع تملا عنيه
مين ياغالية بعد منك
دق بابي سأل عليه
ربنا وصى عليكي
بس مين صان الوصية
كنتي رحمة ونور لعيني
وازاي حاسد دين عليه
ياللي قلبك ساع ولادك
وياما قلبك شاف أسية
ياللي امك لسة عايشة
هيه م الرحمن هديه
اااااااااااااا
بافتكر يامه زمان
وانتي حاضننا بحنان
كنتي بتحاجي علينا
والدفا مالي المكان
مات ابوية وانتي وحدك
شفنا وياكي الأمان
ياللي فايته احلى ذكرى
نفتكرها مع الزمان
اااااااااااااا
كنتي بتخافي علينا
كنتي ضلة مضللة
دايما علينا
كنا بعد ساعات بنبعد
وانتي بالحب تلاقينا
صرختك تطلع تدوي
وانتي بتنادي علينا
مين يطبطب مين يداوي
مين يامي يخاف علينا
مين بقى بعدك ياغالية
يضمنا ويحس بينا
ااااااااااااا
فين نلاقي حضن
تاني يلمنا
مين يشيل بعدك
ياغالية همنا
مين يجينا ومين
يامي يودنا
اااااااااااةاا
حضنك انتي لمنا
وحافظ علينا م الليالي
قلبك انتي ضمنا
ياعمر غالي
كل ليلة بافتكر واقعد
انا وصورتك قبالي
بعد منك شبت بدري
والهم جاني
اااااااااااا
كانت امي اكبر
مدرسة
مع انها مرحتش
ابدا مدرسة
وعلمتنا المباديء
وكل حاجة كويسة
كانت فقيرة امي صحيح
لكن عزيزة ف نفسها
ولا حسستنا ابدا ف يوم
بضعفها ولايأسها
وناس كتير اتعلمت
من درسها
ااااااااااا
كان التراب ف ايديها
يتحول دهب
ولا حسستنا بعجزها
سبحانه ربي اللي وهب
كل الجيران اتعلموا
منها الصراحة والأدب
ولاعمرها اتكلمت ابدا
ف شيء من غير سبب
امي دي قصة تنكتب
امي حكاية ليها العجب
ااااااااااااااا
كانت فقيرة امي صحيح
لكن القناعة كنزها
واللي يشوف الخيرف بيتها
يحس بغناها وعزها
كنا بناكل احنا ونشبع
وتربط حزام على بطنها
واحس بيها بتتوجع اجري
عليها واقولها
ااااااااااا
مالك يامي فيكي
ايه اتكلمي
مالك يامي قاعدة
ليه تتألمي
شايفك حزينة وقاعدة
بعيد تتأملي
بتودعينا انتي يامي
ولا خلاص بتسلمي
ارجوكي يامه باحلفك
ردي عليه اتكلمي
اااااااااا
وترد بالبسمة الجميلة
والرضا باين عليها
وتداري عني وشها عشان
ماشوفش دموع عنيها
وترجع تاني تبتسم وانا
قلبي حاسس باللي بيها
يامة قوللي بتخبي ليه
عني الحكاية وتداريها
ولا عمرها اتكلمت ولا اشتكت
لحد ماغمضت عنيها
اااااااااااااا
جكاية كل ام
جبريل رضوان
ليست هناك تعليقات:
إرسال تعليق