صارحيني
ياريت تصارحيني وتقولي الحقيقه
أتكلمي بصدق وخليكي جريئه
قوليلى أيه حقيقة غيابك
ليه أتغيرتي وقفلتي بابك
هجرتي وفضلتى غيري
وأنا عمري ليكي وقدامك
ليه يبقى فراقك مصيري
وينجرح قلبي بعذابك
واللى في قلبي مش جرح واحد
ده قلبي دنيا من الجراح
وحنيني وشوقي عليا شاهد
بس أرجعي ويا الصباح
ويوم لقاقي يكون أفراح
ويكون قلبي ليكي ساند
ويعوضك كل اللى راح
وكل يوم أدعي وأنا ساجد
يعدي الليل وتصرحيني في الصباح
بقلم حسام عماره
ليست هناك تعليقات:
إرسال تعليق