.......(الشط البعيد)..........
في الميعاد كل يوم
والشمس بتموت في الغيوم
والنهار لَمْ الهدوم
والدموع تنزل تدوم
تملا بحر الزكريات
والقمر جاي من بعيد
شايفه لسه يادوب
لابس التوب الجديد
كل لحظة يقول يعيد
ينسج الحب اللي فات
شايفك إنت والا' هوه
قبل مايخدك لجوه
قبل مايحفر لي هوه
جاي ساطع فيه مـِرِوٍّه
وف إيديه خنجر حديد
وأنت جانبه أغلا فرحه
جايه لابسه أحلا طرحه
شايله حبك أو مسامحه
نبتت الحب اللي طارحه
بالغنا أحلا نشيد
لما خطفك بحري مني
لسه صوتك غصب عني
بالأنين أو بالتمني
حني إيدك بس حني
كل دمك في الوريد
يوم ماغبتي ياشمس عمري
يومها سيبتي ومش بأمري
الهموم أرويها خمري
أرضي رافضة نخل تمري
والدموع فيضان يزيد
ياخد الباقي في حياتي
يمحي شكلي يمحي ذاتي
يترسم في عينيه مماتي
تتقسم جواه آهاتي
يمشي ويسيب منك بريد
أرمي نفسي بين ضلوعه
يرجع البحر ف قلوعه
يبكي قلبي من خضوعه
يرفض ياخدني يوم رجوعة
وأرجع الشط البعيد
كل يوم وقت اللي كان
وقت مااتحرم الكيان
من حبيبه يوم مابان
يوم ماكان الوقت حان
يبقى في العمر الوحيد
نفس شطي
والشطوط منها العديد
أنعي عمري اللي فات والجديد
أنعي نخلي يوم ماراح منه الجريد
يوم ماكنت في الحياة جثة وحيد
..............(شعر)..............
عبد الله السايح
ليست هناك تعليقات:
إرسال تعليق