( محتاج لصاحب )
محتاج لصاحب يكون جدع
يقف جنبي في شدتي
يخفف عني الوجع
وبإيده يمسح دمعتي
وقت الخطر يبقي لي عون
ويكون لي أخ في وحدتي
ووقت الحزن يبقي بسمه
ترسم ملامحي وضحكتي
وفي الظلام يبقي شمعه
تنور طريقي ودنيتي
وفي الجرح يداوي آلمى
ويسمع أهاتي وشكوتي
محتاج لصاحب صادق صدوق
يكون عكازي في غربتي
وقت الصعب يقف جانبي
ويكون سبب في فرحتي
صاحب في المحن يساند
ويصون سري وعشرتي
وإن غبت يوم يسأل عني
صاحب يستاهل صحبتي
...................................؛
مبروك علوه
ليست هناك تعليقات:
إرسال تعليق