يابن الحلال
==========
يابن الحلال أنت وهو
مصر حلوه وليك هى القوه
خد بالك م البلد
هى الأم وأنت الولد
أدعيلها وأطلب المدد
حطها ف عنيك من جوه
أوعى الشياطين تهزك
تلعب ف أودانك وتوزك
تحرق تخرب تدمر أمك
وعليها تبكى بحرقه
بص وشوف جيرانك
يمكن تحس وتاخد بالك
من اللى هيحصل واللى يجرالك
عاشت مصر حره
مطلوب خطفها
تقسيم شعبها
وأنت ياضنايا أبنها
زعلان وتقول عيشتك مره
فين غيرة دمك
تعيش والغرب يذلك
مصر تضيع وأنت ولاهمك
يابنى مصر هى القوه
المر فات وعدى
والجاى أحلى وأحلى
وع الحلو تنام وتصحى
ومصر جميله وحلوه
==================
قلمى
جابر خلف الله ابراهيم
(الخطيب)
ليست هناك تعليقات:
إرسال تعليق