كفاية يا دنيا كفاية
ظلمك ينفع رواية
جبت معاكى آخرى
تملى واقفة ضدى
وأصبر واهدى ف نفسى
ترجعى من تانى تقسى
اعمل ايه٠٠٠٠٠٠٠٠ معاكى
م الحياة اتسدت نفسى
منك يا دنيا شفت العبر
وعلطول بتظلمى
ليلى ملوش قمر
ونهارى. بقا زى ليلى
كفاية ارجوكى كفاية
خلتينى م الخوف باصص ورايا
انام واصحى اللقى. الف حكاية
على بابى واقفة ليا ٠٠٠٠٠٠٠٠٠٠
وكل حكاية ليها الف رواية
نفسى اعيش زى كل الناس
نفسى مكنش ف يوم منداس
نفسى اعيش فيكى بجد
مش كل شوية حلم يتهد
اداوى حرج اللقى الف كمان
عيب عليكى كفاية ظلم وهوان
علطول جاية ع الغلابة
واللى عايشين فيكى الديابة
والغلبان لو طلعلو صوت
يبقى لازم ولابد يموت
كفاية يا دنيا. حسى بينا ثانية
ولا احنا ملناش حق فيكى
عايشين نئأسى
ف كل لحظة وكل ثانية
نفسنا نشوف فرحة فيكى
كفاية يا دنيا كفاية
ظلمك ينفع رواية
الشاعر محمد ابوالعيون الغباشى
ليست هناك تعليقات:
إرسال تعليق