ردا على رائعة الراقيه الأستاذة زوزا كريستال
( لحظات التخيل )
لحظة إتخيلت فيها
كل شئ حلو وجميل ...
من السعاده طرت فوق
طرت بجناحى البديل ...
النجوم جنبى بترقص
بتفرح القلب العليل ...
والشمس جاءت تغنى
والدفى هو الدليل ...
والبدر طالل علينا
خير خل وخليل ....
هى لحظة بس لحظه
عشت فى دنيا جديده ...
عشت ضحكه أيوه صافيه
ضحكه صادقه من قلبى وليده ...
ولا بسمه من عيونى بترقص
شاقه كل آلام عنيده ...
ولا روحى رايحه جايه
تكسر المسافات البعيده ...
عشت لحظة بألف عمر ما فى
على الدنيا غيرى سعيده ...
بس فجأه أنتبهت
من عيونى دموع مديده ...
نزله على الخدين بتجرى
حارقة قلبى ووريده ...
إغسلى يا دموع عيونى
طهرى أذهانى الشريده ...
صحصحيها وفوقيها وفكريها
إن للأحلام حدود وحديده ...
لو علت على رأسها تسقط
ضربه قاضيه وسديده ...
خلاص يا دنيا كفايه جرح
أنت قاسيه وآلامك شديده ...
ليه يا دنيا نيجي نحلم تحرمينا
وعلى سيف غدرك أكون شهيده ...
أشرف سعد
ليست هناك تعليقات:
إرسال تعليق