راضية بقسمتى .......
عمرى ما لعنت الحظ
ولا غنيت لية حظى
معاكى يا دنيا كدة
طول عمرى راضية
بقسمة ربنا ليا
راضية بحياتى
مليانة وجع وعذاب
غدر من القلوب
وحرمان من الصحاب
راضية اكون ظل فوق التراب
راضية ان كلمتى تكون بين الناس
من غير حساب
راضية اشوف وجعى لواحدى
ومفيش حد يشاركنى المى
راضية بعنيا تعانى سهرى وسهدى
وعمرى ما شكيت يوم حتى ندمى
انا راضية
بس الناس مش راضيين
عايزينى ارفض قسمتى
وادور على حل اعيش بية دنيتى
رافضين حتى راحتى فى وحدتى
وعايزين يشاركونى فيها
مش مكفيهم حرمانى من رفقتى
رافضين كمان
ذكريات عايشة عليها
يمكن يكون دة عندهم حب ليا
لكن بطريقة مليانة قسوة عليا
بيدوسو ع الجرح بكل جبروت
بيسقونى الحياة فى كاس الموت
بيشنقونى عشان اعيش
وياخدو حقى فى حياتى
كأنى مفيش
كانى مفيش
عزة وهيب
ليست هناك تعليقات:
إرسال تعليق